Сар шинээр нийтийн тээврийн 1000 автобус үйлчилгээнд явна

Нийслэлийн Нийтийн тээврийн газраас өгч буй мэдээллээр сар шинийн өдрүүд буюу хоёрдугаар сарын 9-11-ний өдрүүдэд Улаанбаатар хотын хэмжээнд 1000 орчим автобус үйлчилгээнд гаргахаар болжээ. Энгийн үед 900 орчим автобус үйлчилгээнд гардаг бол үүнийгээ нэмэгдүүлэхээр болсон байна. Нэмэлтээр гаргах автобусуудыг хотын зах болох Шархад, Тахилт, Чингэлтэй, Зунжин, Баянхошуу, Орбит, Зүүн салаа, Улаанхуаран, Санзай гэсэн чиглэлүүдэд үйлчилгээнд гаргах аж.