Г.АЛТАНХҮҮ  СУЛЛАГДЛАА

Найз бүсгүйгээ зодож амь насанд нь хүрсэн хэмээн сэжиглэгдэж байсан Г.Алтанхүүгийн шүүх хурал өнөөдөр болж тэрбээр суллагдлаа.

Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс авсан мэдээллээр шүүгдэгч Г.Алтанхүүг бусдын бие махбодид хүндэвтэр гэмтэл санаатай учруулсан, тарчлаасан, бусдыг амь биед нь аюултай нөхцөлд байхад нь тусламж үзүүлээгүйн улмаас хохирогч нас барсан гэмт хэргүүдийг тум тус үйлдсэн гэм буруутайд тооцож, ЭХТА-ийн 98 дугаар зүйлийн 98.1-д зааснаар 3 жилийн хорих ял, 100 дугаар зүйлийн 100.1-д зааснаар 2 жил, 107 дугаар зүйлийн 107.3-д зааснаар 5 жилийн хорих ял тус тус оногдуулсан байна.

ЭХЕА-ийн 77 дугаар зүйлийн 77.1, АНХНЫ АРДЧИЛСАН СОНГУУЛЬ БОЛЖ БАЙНГЫН АЖИЛЛАГААТАЙ ПАРЛАМЕНТ БАЙГУУЛАГДСАНЫ 25 ЖИЛИЙН ОЙГ ТОХИОЛДУУЛАН ӨРШӨӨЛ ҮЗҮҮЛЭХ ТУХАЙ хуулийн 4 дүгээр зүйлийн 4.1-д зааснаар дээр оногдуулсан ялаас өршөөн хэлтрүүлж эрүүгийн хариуцлагаас чөлөөлсөн байна. 

Мөн Иргэний хуулийн 497 дугаар зүйлийн 497.1, 510 дугаар зүйлийн 510.1-д зааснаар хохирогчийн хууль ёсны төлөөлөгчийн нэхэмжилсэн 22,327,972 төгрөгийг шүүгдэгч Г.Алтанхүүгээс гаргуулж хохирогч Д.Дуламсүрэн, хохирогчийн хууль ёсны төлөөлөгч Д.Сүрэнхорлоо нарт олгуулахаар шийдвэрлэсэн байна.