Өдөр тутам

Махны экспорт нэг жилээр хойшилж магадгүй

                                       Махны экспорт нэг жилээр хойшилж магадгүй

Манай хоёр хөрш болон зарим гадаадын улс манай улсаас мах импортлох боломжтой гэдгээ өмнө нь илэрхийлсэн удаатай. Тэгвэл энэ оны аравдугаар сарын 23-27-ны өдрүүдэд БНХАУ-ын Хөх хотод болсон "Монгол-Хятадын анхдугаар экспо"-ны үеэр ХХААЯ- наас хоёр улсын малын мах, махан бүтээгдэхүүний салбарын хамтын ажиллагааны өдөрлөгийг зохион байгуулсан байна. Улмаар хоёр орны махны холбоод зургаан тэрбум юанийн хамтран ажиллах гэрээнд гарын үсэг зурсан юм.
 
Гэвч Баян-Өлгий аймагт мал амьтны гоц халдварт шүлхий өвчин гарсан нь урд хөршид мах экспортлох ажилд саад болсон байна. Тодруулбал, БНХАУ-ын шинжээчид манай улсад ажиллаад буцсаны дараахан дээрх үйл явдал болсон нь нэг жилээр хойшлоход нөлөөлсөн байна. БНХАУ-ын зүгээс мах экспортлох асуудалд нэг жилийн хорио цээр тогтоох магадлал байгааг албаныхан хэлэв.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Зэээ (122.201.22.249)
    Хятадын төрөөс Монголчуудын сэтгэлийг хэдийд баярлуулах, хэзээ тайгаруулахаа мэднэ . Хоёр хөршид экспортоор тогтвортой наймаа хийж орлого олох боломжтой гол суваг гэдэг нь тодорхой.Гагцхүү бидний зорьсноор Тэд хийж өгөхгүй элдэв шалтгаан тайлбар гэдгийн илэрхийлэл. Авах хүн гэдийж, өгөх хүн бөхийхийн үлгэр бодитой болсоор бна. Тиймээс Бид МАА-н салбарт хөгжингүй орнуудын орчин цагийн овор багатай үйлдвэр, техник болон технологийг нэвтрүүлж нутагшуулан хөгжүүлэн Эцсийн бүтээгдэхүүн үйлдвэрлэж дотоодын зах зээлээ элбэг ханган баялаг бүтээж бие биеэнээ дэмжих нь чухал байна.Орос ,Хятад аль аль нь биднээс өвчин асуусаар хорио цээрээ тийм ч амар цуцлахгүй. Түүний оронд зээл авч малчидад үйлдвэртээ болоход нь цаг алдалгүй тусласан дээр...
    2015 оны 11 сарын 08 | Хариулах