ИНЕГ-ын дарга Г.Нямдавааг ажлаас нь чөлөөллөө

Зам тээврийн яамны сайдын шуурхай хуралдаан өнөөдөр болж, зарим хариуцлагагүй албан тушаалтнуудад хариуцлага тооцож, ажлаас нь чөлөөлсөн байна. Тодруулбал, ИНЕГ-ын даргын үүргийг түр орлон гүйцэтгэгч Г.Нямдавааг сайдын шуурхайгаас өгсөн үүрэг даалгаврыг биелүүлээгүй тул үүрэгт ажлаас нь чөлөөллөө. Түүнчлэн МИАТ-ийн онгоц зорчигчдод урьдчилсан мэдэгдэлгүйгээр ОХУ-ын Новосибирскт гурван цаг саатаж, зорчигчдод хүндрэл учруулсан тул тус компанийн захирал Г.Жаргалсайханд хариуцлагын арга хэмжээ авсан байна. Мөн тус яамны ТЗУХЭГ-ын дарга Б.Занданбат өглөөний шуурхайд ирээгүйгээс өнгөрснө долоо хоногт ЗГ-ын хуралдаанаар хэлэлцэж, шийдвэрлэсэн асуудлууд сайдын шуурхайд танилцууулагдаагүй байна. Иймд ТЗУХЭГ-ын дарга Б.Занданбатад мөн арга хэмжээ авахаар болжээ.