Гадаад хэргийн яам “Хэвлэл мэдээллийн цаг”-тай боллоо
Гадаад хэргийн яам сар бүрийн гурав дахь долоо хоногийн мягмар гарагийн 14 цагт “Хэвлэл мэдээллийн цаг” зохион байгуулахаар болов.
Анхны хуралдаанаа өнөөдөр нээж, Гадаад хэргийн сайд Л.Пүрэвсүрэн болон ахлах албан тушаалтнууд оролцов. Гадаад хэргийн сайд Л.Пүрэвсүрэн Гадаад хэргийн яам сэтгүүлчдээр дамжуулж олон нийтэд бодлого, үйл ажиллагааны талаарх бодит мэдээллийг өгч байхаар болсон гэв.
Гадаад хэргийн сайд ойрын өдрүүдэд болж өнгөрсөн айлчлал, арга хэмжээ болон цаашид зохион байгуулагдах айлчлалуудын талаар дэлгэрэнгүй мэдээлэл хийж, сэтгүүлчдийн сонирхсон асуултад хариулав.
