Дөрвөн настай охиноо онц хэрцгийгээр зодож хөнөөсөн хэрэгт буруутгагдсан шалгагдаж байгаа Т.Цогт болон Г.Маралмаа нарын шүүх хурал энэ сарын 17-нд болох ёстой байсан ч шүүгдэгч Г.Маралмаагийн өмгөөлөгч М.Хувцагаан орон нутагт шүүх хуралд оролцож байгаа гэх шалтгаанаар хойшлогдсон.  Өнгөрсөн тавдугаар сард Г.Маралмаа, Т.Цогт нарт холбогдох хэргийг  шүүх хурал Баянзүрх, Сүхбаатар, Чингэлтэй  дүүргийн шүүхэд болсон ч уг хэргийг нэмэлт мөрдөн байцаалтад буцааж  Т.Цогтыг бусдын амь насыг санаатайгаар хохироосон хэрэгт татаж, Эрүүгийн хуулийн тусгай ангийн 91.2.11, 91.2.12, 91.2.15 гэсэн зүйл ангиар прокуророос яллах дүгнэлт үйлдсэн байна.   Харин шүүгчдэгч Г.Маралмаа нь одоогоор есөн сартай жирэмсэн бөгөөд хэзээ мөдгүй амаржихаар байгаа юм.  Түүнийг Өршөөлийн хуульд хамрагдана гэсэн мэдээлэл амнаас ам дамжин яригдаж байгаа ч хууль хяналтынхан эсрэг байр сууурьтай байгаа гэнэ.Шүүх хурал маргааш 9 сарын 24нд болох юм.