Монгол хүмүүс гуйлгачинд хоол, мөнгө өгөх юмуу тэр байтугай хувцасаа өгж болохгүй, буян хишгээ өгөөд байвал өөрөө өлсгөлөн, ядуу болдог гэдэгт үнэмшдэг. Энэ бол цэвэр мухар сохор сүжиг бөгөөд би-г эрхэмлэх үзэл юм. Бусдыг зовлонгоос гэтэлгэх нь, чин бодлоор өглөг үйлдэх нь зөвхөн сайн үр дагаварыг бий болгоно. 
Харамч байх нь бусдаас хөндийрүүлж, золгүй амьдралыг бий болгодог буруу сэтгэл юм. Харамын эсрэг нь өглөгч бөгөөд энэ нь бусдад өгөх хүсэл, бусдад тусласнаараа өөрөө жаргахын үрийг тарьж буй явдал юм.