Японы мэргэжлийн Сүмо бөхийн дэвжээнд Монгол бөхчүүдийн "Алтан хараацай" болж манлайлан,  23-н жил хүч үзэн Сумо бөхийн түүхэн амжилтын эзэн болсон Нямжавын Цэвэгням Нагоя башёгийн дараа зодог тайлсан бөгөөд тэрээр өнөөдөр эх орондоо гэр бүлийн хамтаар хүрэлцэн ирсэн билээ. МУГТ Кёкүтэнхо Н.Цэвэгням буюу  Оошима Ояаката дөнгөж саяхан  Гэрлэх ёслолын ордонд Монгол улсдаа өрх нэмж, гэр бүлээ бүртгүүллээ. Уг арга хэмжээнд Холбооны төлөөлөгчид болон ах дүүс найз нөхөд, дэвжээний анд нөхөд, нэгэн цагт хамтран зүтгэгч явсан МУГТ. Кёкүшюүзан Д.Батбаяр,гэр бүлийн хамт, мөн дүү нар болох Тэрүнофүжи Г.Ган-Эрдэнэ, Кёкүшюүхо Т.Эрдэнэбаатар нар оролцлоо.