Увс аймаг байгуулагдсаны түүхт 90 жилийн ой, Монголын бөхийн их баяр,Баруун бүсийн хурд-2015 наадам энэ өдрүүдэд Увс аймагт болж байгаа бөгөөд энэ үеэр нэгэн түүхт хөшөө сүндэрлэн босчээ. Увс аймгийн, Хяргас сумын уугуул, Зууны манлай Монгол бөх, Даяар дуурсагдах далай даян дархан аварга, Хөдөлмөрийн баатар, Олимпийн мөнгөн медальт, Самбо болон Чөлөөт бөхийн дэлхийн аварга, Монгол, Орос улсын гавьяат тамирчин ХОРЛООГИЙН БАЯНМӨНХ  аваргад зориулж  Увс нутгийнхан энэ  сайхан хөшөөг  босгожээ. Нээлтийн ёслолын үеэр дархан аварга А.Сүхбат, Монгол Улсын аварга С.Мөнхбат, Монгол Улсын арслан Д.Ганбат, П.Бүрэнтөгс, Н.Батсуурь, гарьд Б.Гантогтох, заан Б.Бумбаяр тэргүүтэй “Шонхор” клубийн хамт олон багшдаа хүндэтгэл үзүүлж алтан аяга бэлэглэлээ.