Судалгааны ажил, зохион байгуулсан эрдэм шинжилгээний хурлын үр дүн талаар болсонгүй...Одоогоор шинжлэх ухаан хараахан тайлж чадаагүй байгаа Буддын гүн ухааны тайлагдашгүй нэгэн нууцыг агуулсан хосгүй өвөрмөц дурсгал Архангай аймгийн Цахир сумын нутаг Тарвагатайн нурууны салбар д.т.д 3000 орчим метрийн өндөр Содномдаржаа уулын оргилын өвөрт хадгалагдан 140 орчим жилийг өнгөрөөсөн нь одоо нийтэд нэгэнт ил болжээ...

Энэ дурсгалыг төр засаг хамгаалалтандаа авах, шинжлэх ухаан, Буддын судлалын эрдэмтэд, судлаачид анхаарлаа төвлөрүүлж, төлөвлөгдсөн ажлууд хэрэгжиж эхлээд байна. Ирэх намар буюу 9-р сарын сүүлчийн хагас гэхэд уг дурсгалыг шүтээнчлэн залах, улмаар тус газар сүм дуган барьж, байршуулан орон нутагт хүлээлгэн өгөх арга хэмжээ Цахир суманд шашны зан үйлийн баярын хэлбэрээр зохион байгуулагдах юм...

Доорх зургуудаас МҮИС дээр зохион байгуулагдсан эрдэм шинжилгээний хурал, хөндөгдсөн дурсгалыг Итгэлт хамбын лагшинтай харьцуулсан зураг, судалгааны экспедицийн ажлын явц, хоёр багшийн хөргийг шүтээн урлалын аргаар бүтээсэн хөрөг дүр зэрэгтэй танилцаарай. Эрхэм та буддын эрдмийн дээд Равжамба, Аграмба цол хэргэм бүхий хоёр багшийн тухай дэлгэрэнгүй мэдээлэл авахыг хүсвэл МҮИС-ийн Монгол судлалын төвд хандаж болно. Бид судалгааны одоогийн түвшинд хуримтлуулсан мэдээлэл, мэдлэгээ хуваалцахад таатай байна.