Хойтон жилийн цэнгэлдэх хүрээлэнгийн баярын үйл ажиллагааны зохиолыг бичих юм сан. Монгол найруулагч, зохиолч нарт ийм хувь оногдох болтугай! Чадахын дээдээр чадна даа.

-Даян дэлхийд дангааршсан цор ганцхан Монгол наадам маань даяарших шахав.

Солонгосчуудын бөмбөрийн хэмнэл нүдээн нүргээн, Америк скаут зангиатангууд, Англи I LOVE UB харь бичиг ( Улсын нэр ч биш улсын наадмын хүрээг хумьсан хотын нэр) цохиж явах, Хятадын улаан хувьсгалч зургаан талт малгайтангуудын тугт бүжиг ( Монголын түүхэнд хөх гурвалжинтай улбар туг хэзээ ч байгаагүй) жигтэй нь хятадын "Сүүлчийн эзэн хаан" киноны хувьсгалчдын бүжгийн дэглэлт байх юм. Их Хааны маань хүлэг унаа үгүй ( хүлгийн дөрвөн туурайн оронд төмөр замын дөрвөн дугуй шиг юм байх ), Уухайлан довтолж явсан хүлэгтэнгүүд дугуй бамбайнд нуугдан хуяглах нь урьд зүгийнхний л киноны хэсэг шиг, Элдэв монополь компанийн  реклам, этгээд энэ бүхэнд эгдүү их хүрэв. Ирэх жилийн наадмыг цэнгүүнийг хийнэ гэж дайрмаар болов. Яадаг юм!

-Даян дэлхийд дангааршиж чадсан даамай ганц "Монгол наадам" маань юмсан...

Зохиолч Б.Батрэгзэдмаа