Онцгой байдлын ерөнхий газраас анхаарал сэрэмжтэй наадаж, цаг уурын нөхцөл байдлыг харгалзан үзэхийг анхааруулж байна. Учир нь наадмын эхний хоёр өдөр баруун, төв, зүүн аймгийн нутгаар өдөртөө 32-39 градус хүрч халсан.

Харин 12-ны өдрөөс нутгийн баруун хэсгээр, 13-15-ны өдрүүдэд төв болон зүүн зүгийн нутгаар өмнөх өдрүүдээс 10-15 градусаар буурах төлөвтэй байна гэв. Түүнчлэн 12-ны өдөр баруун болон төвийн нутаг, говийн нутгийн баруун хэсгээр, 13-ны өдөр ихэнх нутгаар, 14, 15-ны өдөр нутгийн зүүн хагаст зүсэрсэн бороо, зарим газраар дуу цахилгаантай аадар бороо, мөндөр орж, салхины хүч ширүүснэ гэжээ.