ОХУ-ын Москва, Санк-Петербург хотноо болсон П.И.Чайковскийн нэрэмжит олон улсын дуурийн  дуучдын XV-р уралдаанд МУГЖ Ганбаатарын Ариунбаатар тэргүүн байр эзэллээ. Залуу гавьяат маань  олон улсын дуурын дуучдын 4-н том уралдаанд орж 4-т  нь түрүүллээ.

 Сонгодог урлагийнханы дунд олимп гэгддэг тус уралдаанд 39 орны 500 гаруй авьяастан оролцсон бөгөөд дөрвөн шатны шалгаруулалтын дараа Монгол,ОХУ, БНХАУ,БНСУ-ын дуучид шалгарч үлдсэн бөгөөд эцсийн шатны шалгаруулалт  өнгөрсөн шөнийн 01:00 цагт болж, МУГЖ Г.Ариунбаатар "Трубадур" дуурийн Ди лунагийн ари, "Пиковая дама" дуурийн Елецскийн арийг чадварлаг сайхан дуулж тэргүүн байр эзэлжээ.

Тэрбээр:  "Би маш их баяртай байна. Та нартаа баярлалаа. Энэ уралдаан намайг хамгийн их сорилоо. Үнэхээр хүнд байлаа. Гэхдээ би ард нь гарсан. Тиймээ би урлагийн олимп гэгддэг П.И.Чайковскийн уралдаанаас анх удаагаа эх орондоо Тэргүүн байр, Алтан медальтай очих боллоо. Аав ээж, элгэн садан, эрдэмтэн багш найз нөхөддөө бvгдэд нь баярлалаа.

Аливаа тэмцээн уралдаанд оролцоход нэн чухал асуудал бол мөнгө санхүү. Намайг чинь сэтгэлээсээ ойлгож байнга туслаж дэмждэг аварга А.Сvхбат ахдаа,УИХ-ын дэд дарга  "Эх нутгийн иргэн" ТББ тэргүүн,  М.Энхболд ахдаа, мөн Монголын Цагдаагийн нийт бие бүрэлдхүүндээ баярлалаа гэжээ.Тиймээ тэр "ДЭЛХИЙН ДУУЧИН " боллоо.