Д.БЭХИ

Монголын сэтгүүлчдийн нэгдсэн эвлэл болон Монголын гэрэл зурагчдын нэгдсэн холбоо хамтран ажиллах санамж бичигт  МСНЭ-ийн Ерөнхийлөгч Б.Галаарид, УИХ-ын гишүүн, МГЗНХ-ны Ерөнхийлөгч Л.Энх-амгалан нар гарын үсэг зурлаа. Энэхүү санамж бичгээр гэрэл зураг нь сэтгүүл зүйн салшгүй нэгэн төрөл болохын учир харилцан бие биеэ хүндэтгэх, гэрэл зураг, гэрэл зурагчдын үнэлэмжийг дээшлүүлэх, гадаад харилцааны тал дээр хоёр тал нэг нэгэндээ дэмжлэг үзүүлэх, олон улсын нэгдэн орсон конвенци болон дотоодын хууль, тогтоомжид заасны дагуу хоёр байгууллагын хамтын ажиллагааг бэхжүүлж идэвхижүүлэх, хамтын ажиллагааг шинэ түвшинд гарган жишиг тогтоох, нийгмийн хөгжилд тодорхой хувь нэмэр оруулахад гарын үсэг зурж буй талуудын гол зорилго оршино.