Гадаад хэргийн яам бол төрийн алба, тэр дундаа димпомат албаны хуулиар хамгаалагдсан төрийн тусгай алба. Ийм байтал Л.Болд энэ яамны толгойд сууж байхдаа ёстой л самарч, дур зоргоороо аашилж чадсан байдаг. Тэрбээр өөрийнхөө тойрон хүрээлэгчдийг боловсролтой, мэдлэг чадвартай эсэхийг үл харгалзаж бөөн бөөнөөр нь гадаад руу томилж чадсан. Ц.Ганболд гэгч этгээд БХЯ-нд зөвлөхөөр нь ажиллаж байсан. Харин гадаад хэргийн сайд болонгуут нь тус яамны Аудитын газрын даргаар ажиллаж байжээ. Гэтэл Л.Болд өөрөө 2012 оны 10 дугаар сарын 05-нд а/75 тоот тушаал гаргажалбаны машин унуулах зөвшөөрөл өгч давраажээ.

Харин дараа нь Гонгкогт Ерөнхий консулаар томилоод явуулсан байгаа юм. Ингээд зогссонгүй Ц.Ганболдын төрсөн хүү Түвшинг 2013 оны 12 дугаар сарын 1-нд Сөүл дэхь ЭСЯ-нд атташегээр томилжээ. Гадаад харилцааны ямар ч боловсролгүй хэрнээ аавынхаа нөмөр нөөлгөөр гадаад улсад Монгол улсын нэрийг гаргах ажилд гар бие оролцож явна. Ц.Ганболд Л.Болдын тархийг “базаж” байгаад дүүгийнхээ гэр бүлийг ч бас гадагшаа томилуулсан байгаа юм. Л.Болдын нэр нүүрээр, хайр халамжаар албан тушаалтай болсон дараагийн хүн бол түүний туслах байсан Д.Бат-Эрдэнэ. Түүнийг 2012 онд нууц тушаал гаргаж Сөүл дэхь ЭСЯ-нд консулын газрын даргаар томилсон байдаг. Харин 2014.06.01-нд Пусан дахь Консулын газарт консулаар томилжээ. БХЯ-ны хурандаа Д.Цэеэойдов ч Л.Болдын хүн. 2013.09.02-нд ДБҮААГ-ын орлогч даргаар томилогдсон.

Уг нь бол засгийн газраас баталсан бүтцээр нэг орлогчтой байх газар одоо гурван орлогчтой болоод байна. Б.Мөнхжаргал мөн л Л.Болдын туслахаар ажиллаж байсан. Тэрбээр 2013.01.07-нд Вашингтон дахь ЭСЯ-нд зөвлөх бөгөөд консулын хэлтсийн даргаар томилогджээ. Харин аав С.Бямбаа нь 2014.06.01-нд Сан-Франциско дахь ЭСЯ-нд аж ахуйн эрхлэгч жолоочоор томилогдон очсон байгаа юм. Л.Болдын будлиан ингээд дуусахгүй.

2014 оны 8 сард Вашингтон дахь ЭСЯ-нд атташегаар томилогдсонГ.Сайнбилэг, 2013 оны 6 сард Вашингтон ЭСЯ-нд атташегаар томилогдсон С.Золзаяа, мөн 2014 онд Бээжин дэх ЭСЯ-нд консулын техник ажилтан Б.Отгонтуяа, 2013 оны сүүлээр Сан-Франциско дахь ЕКГ-т атташегаар томилогдсон Т.Отгонгэрэл, 2014 онд Пусан дахь КГ-т дэд консулаар томилогдсон П.Нансалмаа, Бразилиа дахь ЭСЯ-нд томилогдсон Я. Ганболд, Сан-Франциско дахь ЕКГ-т консулаар томилогдсон Н.Мягмар гээд олон хүнийг нэрлэж болно.

Бүгд шахуу орон тоо байхгүй байхад хүчээр томилогдон очсон байдаг бөгөөд эдний дунд гадаад хэлний мэдлэггүй хүмүүс ч нэг биш бий. Харин Бразилиа дахь ЭСЯ-нд атташегаар томилогдсон Г.Батбилэг, М.Үнэнбат нар бол суугаа орны хэл байхгүй, Хаана ямар ажил эрхэлж байсан нь тодорхойгүй гэх мэдээлэл бий. Мөн 2013.11 сард Москва дахь ЭСЯ-нд нягтлан бодогчоор томилогдон очсон Г.Сэржмядаг нь Москва дахь ЭСЯ-ны цэргийн атташегийн туслах асан Цэрэнчимэдийн гэргий юм байна. Тэрбээр ажлын шаардлага хангаагүй, мэргэжлийн бус, орон тоо илүү буюу дээрээс томилогдон очсон нэгэн юм.

Энэ мэтчилэн Л.Болд гадаад хэргийн сайд байхдаа төрийн ажлыг хийхээсээ илүүтэйгээр хувийн ажилдаа анхаарч, өөрийн хүмүүсээ өөд нь татах их үйлсэд хүчин зүтгэсэн байгаа юм. Л.Болдын татаас, дэмжлэг энд хүрээд дуусахгүй, хэдэн араваар нэмэгдэж, үргэлжилнэ. Нэг удаа бүгдийг бичээд суух боломж ч байхгүй бөгөөд цаг хугацаа ч чамгүй орохоор байна. Ийм учраас түүний булхай, будлианыг энд хүргээд түр завсарлуулж байна. Ямар ч байсан Л.Болд гэгч хүний хууль бус, шударга бус томилгоо үргэлжилнэ. Тэрбээр албан тушаалаа ингэж урвуулан ашигласан нь баримт пактаар ч батлагдана.

Эцэст нь хэлэхэд Гадаад хэргийн сайд Л.Пүрэвсүрэн та Л.Болдынхоо ийм хууль бус томилгоо, хувийн ашиг сонирхолоо гүйцэлдүүлсэн үйлдлийг хав дараад өнгөрөх гэж байна уу? Хэдийгээр та бүхэн нэг намаас гаралтай боловч үнэхээр Монгол Улсад шударга ёсыг тогтооно гэж хүсч байгаа бол энэ мэт хууль бус томилогоонуудаа эхлээд эргүүлэн татвал ямар вэ? Л.Пүрэвсүрэн таныг “Шударга л байя л даа” уриатай Ц.Элбэгдоржийн гадаад бодлогын зөвлөхөөр олон жил ажиллаж байсан гэдэг утгаар ийм шударга бусын хажуугаар нүдээ аниад өнгөрөхгүй байх гэж найдаж байна. Л.Пүрэвсүрэн сайдаа Л.Болдынхоо хүмүүсийг эргүүлэн дуудаж, төрийн болон дипломат албаны шалгалт өгүүлвэл ямар вэ? 

Сэтгүүлч Г.Эрдэнэбаяр