Газар хөдлөлтийн тухай ойлголтыг хүн бүр өөр өөрсдийнхөөрөө л ойлгодог. Харин энэ ойлголт нь дан ганц шинжлэх ухааны үүднээс тайлбарлагддаггүйн тод жишээ бол хэзээ хаана ямар хүчтэй газар хөдлөлт болохыг тодорхой мэддэггүйтэй холбоотой гэдэг.

Харин газар хөдлөлтийг онолын талаас нь “Дэлхийн цардас мандалд тектоник хөдөлгөөнөөр хуримтлагдсан хүчдэл чөлөөлөгдөхөд ялгарах энергийн нэгээхэн хэсэг нь уян харимхай долгион болон тархаж газрын гадаргууд үйлчлэл үзүүлэх процесс” хэмээн тодорхойлдог.

Монгол улс газа хөдлөлтийн идэвхтэй бүсэд багтдаг бөгөөд 20 дугаар зуунд 8 балл буюу түүнээс дээш хүчтэй газар хөдлөлт 4 удаа тохиолдож байжээ.  Судалгаагаар сүүлийн 20 жилд манай улсад 6 гаас дээш баллын хүчтэй газар хөдлөлт 40 гаруй удаа болжээ.

Харин энэ оны хувьд дан ганц судалгаанд суурилсан бус хүний мэдрэхүйн хүчин чадлыг тодорхой хэмжээгээр үнэлж чадвал хэд хэдэн удаа газар хөдлөлт болохыг урьдчилан мэдэж болох тухай зарим эх сурвалж хэлж байна. Үүний нэг жишээ бол тун ойрын хугацаанд Улаанбаатар хотын урд хэсгээс зүүн хойд зүгт чиглэлтэй нилээдгүй хүчтэй газар хөдлөлт болохыг мэдсэн гэнэ. Энэхүү газар хөдлөлтийн тухай дээд тэнгэрээс заяат Монголчууд бидний нэгэн шүтээн болсон бөө айлдсан аж. Газар хөдлөлт болох цаг хугацааг цагаан сарын шинийн нэгэн буюу 2 сарын 19 нөөс хойш 60 аас 90 хоногийн дараа хэмээн тодорхойлжээ. Мөн 3 сарын 27 ноос  хойш 130 орчим хоногийн дараа Малайзын орчимд их хайрханы урд  их усны хойно маш хүчтэй газар хөдлөлт болж нилээдгүй аюул дагуулна хэмээн хоёр ч удаа айлдсан гэнэ. Мал, амьтан хүртэл газар хөдлөхийг урьдчилан мэддэг байхад хүний зургаа дахь мэдрэхүй мэдэрч байгааг дан ганц бөөгийн үүднээс бус шинжлэх ухааны үүднээс хамтран судалж ард иргэддээ сэрэмжлүүлэх ажлыг хийх нь зүйтэй болов уу.