Сонгууль болох хугацаа өдөрөөс өдөрт ойрсоор байгаа энэ үед сонгуулийн  сурталчилгаа эхэлсэн гэхэд болно. Тэгвэл улстөрийн хөдөлгөөн орж байгаа энэ үед Монголын залуучуудын холбооны Ерөнхийлөгч А.Мөнхбат улс төрд орох бодолгүй байгаа талаар ярьжээ. Тэрээр өчигдөр “Цензургүй яриа” нэвтрүүлэгт оролцох үеэрээ 2016 оны сонгуульп “Нэр дэвшихгүй. Би энэ үгийг 2012 онд ч хэлж байсан, хэлсэндээ хүрсэн.  Залуусынхаа төлөө хийх ажил маш их байхад заавал УИХ-ын гишүүн болж тэнд суух ямар хэрэгтэй юм” гэж хэлжээ. А.Мөнхбат өмнөх сонгуулиудад намдаа хууртсан талаар мөн дэлгэрэнгүй ярьж гомдолтой байгаагаа хэлж байсан юм.