Цэрэг, эх орон, гэгээн хайрын тухай олон сайхан дуугаараа түмэн олныхоо сонорыг мялааж яваа авъяаслаг дуучин СТА, Н.Гантулгыг Монголын эстрадын домог болсон дуучин Х.Галхүүгийн гарын  шавь гэдэг. Эрхэм багшийнхаа хоолойн өнгөтэй тун ойролцоо сайхан  дуулдаг дуучин маань сүүлийн үед  улс төр, нийгмийн  амьдралд идэвхтэй оролцож УИХ-ын гишүүн Ч.Улааны шадар туслахаар ажиллаж улс төр, урлаг хоёрыг жинхэнэ утгаар нь холбож  хослуулж ажилласан  нэгэн.

Бэлтгэл дэслэгч цолтой тэрбээр СУИС, Удирдлагын академийг тус тус  дүүргэж өөрийгөө чамгүй их боловсруулж чадсан гэдэг.Саяхан түүнийг  Цэргийн Дуу Бүжгийн Эрдмийн чуулгын даргаар томилсон  байна. Удирдан зохион  байгуулах авъяастай, нийтэч, шулуухан  шударга зантай,  манай  хамт олны  жаргал зовлонг   ойлгож, авч явж чадах хүн хэмээн шинэ хамт олон нь шинэхэн даргаа  сэтгэл өнөдөр угтаж авсан сурагтай.

Сүүлийн хэдэн жил тус байгууллагыг тойрсон хэл ам хэрүүл тэмцэл тасралтгүй гарч, олон түмэнд  нэр хүнд нь тийм ч сайн байсангүй. Уул нь цагтаа "Цэргийн Ансамбелийн Жаран хар арван цагаан " гэж алдаршиж,  ардын болон гавъяат олон  уран бүтээлчдийг төрүүлж гаргасан  түүхтэй  домогт   чуулга.

БХ-ын Сайдын тушаалаар тус байгуууллагын даргаар  14 жил ёстой "БУГ" болтлоо хэвтсэн Хурандаа Ч.Гансүхийг чөлөөлсөн байна.Сүүлийн үед Ч.Гансүх даргын  эрх, дарх   хэрээс хэтэрч МУГЖ, Хөгжмийн зохиолч Г.Тэрбишийг зодож  хуруу гарыг нь  нь хугалаж, СТА Дуучин Г.Тэгчинжавыг мөн зодож танхайрсан гээд  дарга хүнд баймааргүй ёс бус бүдүүлэг ааш авир  гаргаж, "Хааны алба халаатай, Эзний алба ээлжтэй" гэдгийг үл огоорч  явсан нэгэн.Тэр ч бүү хэл Цэргийн Дуу Бүжгийн Эрдмийн  чуулгын тайзыг  засах нэрийдлээр буулгаж одоо хүртэл  тоглолт, арга хэмжээ, бэлтгэл сургуулилалт хийлгүй хоёр жилийн нүүр үзэж уран бүтээлчид нь энд тэндэхийн урлагын газрын тайзыг  гуйж царайчлан,  түрээслэж яваа гэнэ.