Казахстаны 18 настай  волейболын тамирчин Сабина Алтынбекова 2014 оны зун болсон залуучуудын Азийн аварга шалгаруулах тэмцээний үеэр олны танил болсон билээ. Түүний төрх байдал сэтгэл татам үзэсгэлэнтэй. Сабинагийн гоо үзэсгэлэн,ирээдүйтэй тамирчин гэдэг үзүүлэлт Казахстаныг шуугиулж байна. Удахгүй болох ерөнхийлөгчийн ээлжит бус сонгуулийн сурталчилгаанд одоогийн ерөнхийлөгч Нурсултан Назарбаевын итгэмжит төлөөлөгчөөр ажиллахаар сонгогдсон байна. Сонгуулийн тойргийн хорооноос тамирчин бүсгүйд үнэмлэх олгожээ. Сабина Алтынбековаг Азийн аваргад оролцсоны дараа загварын ертөнцийнхөн хамтран ажиллахыг урьж,дэлхийд нэр хүндтэй брендийн нүүр царай болох санал тавьжээ. Гэвч тэрээр волейболдоо үнэнч үлдэхээр шийдсэн аж. Назарбаев саяхан улсынхаа сайхан бүсгүйчүүлийг хүлээн авч уулзахдаа  Сабинад эрчүүдтэй ухаантай харилцаж байхыг зөвлөжээ.

"Сонгосон замаасаа бүү хазай. Эрчүүд бүсгүй хүнийг магтана,бас хуурна. Өөрөө өөртөө итгэж явахад бүх юм сайхан болно. Спорт сайхан зүйл. Чи дөнгөж 18-хан настай. Хамгийн гоё волейболчин бүсгүй гэдэг шагнал, нэр хүнд чинийх болсон байна” гэж  эцгийн зөвлөгөө мэт үгийг Назарбаев залуу бүсгүйд аминчлан хэлжээ.