Хөвсгөл аймгийн Хатгал суманд өчигдөр орой энэ хаврын анхны бороо орсон байна. Тэгвэл өнөөдөр Сэлэнгэ аймагт бороо орж байна. Ус, цаг уур, орчны шинжилгээний хүрээлэнгээс гаргасан мэдээгээр өнөөдөр Зүүн зүгийн нутгаар үүлших бол бусад нутгаар үүлэрхэг байх аж. Харин баруун болон төвийн нутгийн хойд хэсгээр хур тунадас орох бөгөөд бусад нутгаар хур тунадас орохгүй. Алтайн салбар уулс болон говь талын нутгаар түр зуур секундэд 16-18 метр хүрч шороон шуурга шуурах ажээ.