Монголын залуучуудын холбооноос жил бүр зохион байгуулдаг “ЭВРИКА” гэх содон нэртэй их, дээд сургуулиудын багш, оюутны онол практик, эрдэм шинжилгээний бага хурал 22 дахь жилдээ болох гэж байна. Энэ жилээс бага хурал биш их хурал боллоо гэж зохион байгуулагчид онцолж байна. Өөрөөр хэлбэл,  орон нутгийн багш, оюутнууд “Эврика”-д оролцох боломжтой болжээ.  Энэ жилийн их хурал УИХ-ын дарга З.Энхболдын ивээл дор  зохион байгуулагдана.Их хуралд оролцохыг хүссэн хүмүүс бичиг баримтаа бүрдүүлж, гуравдугаар сарын 27-ны 17 цагаас өмнө бүртгүүлээрэй. Бүртгүүлэхдээ судалгааны ажлаа хураангуй хэлбэрээр хэвлэж эсвэл файлаар авчрах хэрэгтэй.  Хурал зохион байгуулагчид руу event@myf.mn хаягаар илгээж болно. Бүртгүүлэхдээ  судлаачийн товч анкет / CV /-ийг  сургуулийн тодорхойлолт эсвэл хамааралтай байгууллагын тодорхойлолтын хамт авчрах шаардлагатай. Салбар хуралдаан гуравдугаар сарын 30-наас эхэлнэ.  “Эврика-2015” нэгдсэн хуралдаан дөрөвдүгээр сарын 11-ний бямба гаригт Төрийн ордонд болно. Эрдэм шинжилгээний их хуралд оролцох нь нэр төрийн хэрэг билээ.