Монголчуудын дунд ихэд дэлгэрсэн элэгний С вирус, гепатит өвчин сэтгэл зовоох хэмжээнд хүрснийг мэргэжилтнүүд анхааруулсаар буй. Уг өвчнөөр хүн амын 15 хувь өвчилсөн нь олон улсын хэмжээнд авч үзвэл Монгол Улс тэргүүн байрт явна гэсэн үг. Тиймээс Эрүүл мэнд,спортын яамныхан элэгний вирустэй холбоотой асуудлыг шийдвэрлэхийн тулд дэлхийн хамгийн сүүлийн үеийн эмийг Монгол Улсын эмийн бүртгэлд оруулж ирж эмчилгээнд нэвтрүүлэх гэж байна. Эрүүл мэнд, спортын сайд АНУ-д айлчлахдаа тус улсын Гилеад Сайнсес гэж компаниас “Harvoni” нэртэй эмийг Монголд оруулахаар болсон бөгөөд ирэх дөрөвдүгээр сард улсын эмийн бүртгэлд бүртгэж авах аж.
Бүртгэж авсны дараа уг эмийг Монгол Улсад нийлүүлнэ. Эмийг дистрибьютер компаниар дамжуулж оруулж ирнэ. Оруулж ирээд улсын томоохон эмнэлгүүдээр нарийн мэргэжлийн эмч нарын хяналт дор шаардлагатай эмчилгээ үйлчилгээнд ашиглах юм. Эмийг дангаар нь гурван сар хүртэл хугацаанд хэрэглэхэд курс эмчилгээ болно. Эмчилгээний үр дүн 98 хувьтай гэнэ. Уг эмийг Монголд оруулж буй “Оном” сангийн тэргүүн,доктор Д.Наранбаатартай ярилцсаныг уншигчдадаа удахгүй хүргэх болно.
Сэтгэгдэл (7)