Зохиолч Б.Батрэгзэдмаа

Зохиолч Б.Батрэгзэдмаа

"Чонон сүлд" киног өчигдөр орой үзээд шөнө унтаж чадсангүй ээ.
Өргөө гэрийн адаг - навсархай оромжтой "Монгол"
Өөрийн мэдлээ барсан - заяаны адаг "Монгол хүн"
Тэнгэрийн амьтанд хөөгдөөд мориноосоо унаж үхсэн "Монгол"
Тэвчишгүйгээр нялх бэлтрэг сүүлдэж шидэж алах "Монгол эх"
Тал тэнүүн нутаг тариалангийн түрэмгийлэлд өртөн булаагдах
Тэнгэрийн жигүүртэн хун шувуу тас буудуулж тэнгэртээ халих
Тэнгэрийн заяа хаясан "Монгол өвгөний үхэл"
(Тэр нь Чингис хааны дүрийг бүтээсэн өвөр Монгол жүжигчин байв)
Түүний адагт нь "Монгол бүсгүй" -н хувьгүй зүрх сэтгэл мах цус..!
Төгсгөл адагт тэнгэрлэг талын чоно тариачны гараар тэжээгдэж тэр нь ирээдүй "хэний" бүү мэд чонон сүлд болов доо.

"МОНГОЛ" -ын заяа буян, эрхэт тэнгэрийн эрдэм хүч, сүр сүлд хаашаа алга болчихов. Ирэх эмгэнэл энэ биш байгаа гэж айж зүдэн нойроо барав.
Хөөрхий зохиолч Батрэгзэдмаа би бээр " ИХ ХААДЫН САНАА" 
-Чингис хааны санаа
-Өгөөдэй хааны санаа
-Гүюг хааны санаа
-Мөнх хааны санаа
-Хубилай хааны санаа хэмээх хөлгөн жүжиг бичсэн сэн.
"ОЧИР ЭРХШЭЭГЧ" хэмээх романаа саяхан гаргасан сан.
Түмний мэлмийд хүргэчих юм сан гээд тэнгэр хол газар хатуу л явах юм даа. Хэрэв зохиол бүтээлийн ертөнцөд өөрийгөө өгөөгүй бол нойртой л хонох байсан байх... Оюуны ертөнцөөс олсон бүхэн маань эцэстээ агуу гайхамшигт Монгол түмний тэнгэрлэг оршихуйн нууцад бишрэх сэтгэл байв. Ийм юм үзчихээд зохиолч би өөрийн уран бүтээлчийн заяандаа харамсан эмгэнэв. Гутарч байна!!!
Мөнх хөх тэнгэр минь! Монгол төрийн Алтан соёмбо минь!