Монгол Улсын гурван сая дахь иргэн мэндэлсэн сайхан  баярт мэдээг Ерөнхийлөгчийн тамгын газрын дарга, Үндэсний ажлын хэсгийн  дарга П.Цагаан  МУ-ын Ерөнхийлөгчид айлтгалаа.Тэрбээр: Монгол Улсын 3 сая дахь иргэнээр Өмнөговь аймгийн Даланзадгад сумын Нэгдсэн эмнэлэгт  энэ сарын 24-ний өглөөний 08.27 цагт эцэг Энхтүвшингийн Хатанболд, эх Ганбатын Аззаяа нарын гэр бүлд мэндэлсэн охин тодорсоныг дуулгав.Мөн үндэсний   Статистикийн үндэсний хорооны дарга С.Мэндсайхан: "2015 оны байдлаар Монгол  Улсын  хүн  ам 2.995.949 байна.Хүн  амын  мэдээлэл цуглуулах ажлыг орон даяар  болон гадаад орнуудад давхар хийсэн болно.2015 оны нэгдүгээр сарбн 24-ний өдөр Монгол Улсын хүн  амын тоо гурван  саяд хүрлээ.Энэ өдөр манай улсад шинээр 178  хүүхэд, гурван  хүүхэд гадаад оронд тус тус мэндэлжээ" гэлээ.

  " Монгол Улсын гурван сая дахь иргэн мэндэллээ.Манай улсын  хүн ам цаашдаа гурван сая гэсэн тоон дээр тоологдоно.  Ингэж тоологдсоор бас нэг өдөр, бас нэг цаг үед дөрвөн сая, таван сая дахь иргэнээ монголчууд угтаж авах сайхан бэлэг дэмбэрэл жилээс жилд, өдрөөс өдөрт ойртож байна. Гурван сая дахь иргэд болж төрсөн эх хүүхэд, тэдний аав, төрөл төрөгсдөд Монголын ард түмнийг төлөөлөн сайхан сайхныг хүье.Монголчууд улам олуулаа болж, улам аз жаргалтай амьдрахын өлзийтэй ерөөлийг өргөн дэвшүүлье" гэлээ.

Улсын Их Хурлын гишүүн, Засгийн газрын гишүүн, ХАХНХ-ын сайд С.Эрдэнэ Засгийн газрын тогтоолоор гурван сая дахь иргэнийг хоёр өрөө байраар урамшуулах болсоныг  дуулгав.

Монгол  Улс гурван сая дахь  иргэнээ хүлээн  авсан баярт өдөр МУ-ын Ерөнхийлөгчийн хэлсэн үгийг хүргэж байна.