УИХ хайгуулын тусгай зөвшөөрөл олгохоор шийдвэрлэсэн. Энэ дагуу Уул уурхайн яам, Ашигт малтмалын газар хайгуулын лицензийг олгох бэлтгэл ажлыг хийж байгаа. Засгийн газрын зүгээс хайгуулын тусгай зөвшөөрлийг солбилцлоор олгосноор Монгол Улсын эрдэс баялгийн албан ёсны нөөц нэмэгдэж, улсын эдийн засгийн чадавх, дархлаа сайжирна гэж үзэж байгаа юм. Мөнхөрөнгө оруулалт нэмэгдэнэ гэж харж байна. Нийт газар нутгийн 19.88 хувьд, үүнээс 13.39 хувийг өргөдлөөр, 6.49 хувийг сонгон шалгаруулалтаар олгох юм. Хуульд заасны дагуу сонгон шалгаруулалтын 6.49 хувийн талбай нь улсын төсвийн хөрөнгөөр хийсэн геологийн хайгуулын талбай, мөн хайгуулын лицензийг буцаасан талбайгаас бүрдэж байгаа. Ингэснээр тусгай зөвшөөрлийг өмнөх шиг замбараагүй олгохгүй болохыг мэргэжилтнүүд хэлсэн. Уул уурхайн яамны зүгээс ажлыг хэрэгжүүлэх бодлогыг гаргаж, Ашигт малтмалын газар хэрэгжүүлэх юм. Уг нь хайгуулын тусгай зөвшөөрлийг цахимаар авч, хэрэгжүүлж эхлэхээр хугацааг товлосон байсан ч, цахим бүртгэлийг дахин шинэчлэх шаардлагатай болсон учир хойшлуулаад байсан. Харин өнөөдөр хуралдах Засгийн газрын хуралдаанаар Уул уурхайн сайд Р.Жигжид Хайгуулын тусгай зөвшөөрлийг олгох бэлтгэл ажлын явцын танилцуулгыг Засгийн газрын хуралдаан дээр хийх аж.Энэхүү тусгай зөвшөөрлийг хэрхэн яаж, бас хэзээнээс олгож эхлэх шийдвэр тусгай зөвшөөрлийг авч үйл ажиллагаа явуулах гэж байгаа бизнесийнхэнд хүлээлт үүсгээд байна.

Д.Сүх