Эрчим хүчний зохицуулах хорооноос эрчим хүчний байгууллагуудын өр тооцоо, авлагыг багасгах, үйл ажиллагааг хэвийн явуулах хүрээнд эрчим хүчний үнэнд өөрчлөлт оруулсан байна. Тодруулбал цахилгааны үнэнд өөрчлөлт оруулж 2014 оны 12-р сарын 5 өдрөөс мөрдөгдөж эхэлсэн.                                                                           

Мөн дулааны эрчим хүчний үнэ тарифд өөрчлөлт оруулжээ. Үүнд м2-ын ялгаатайгаар тооцож ахуйн хэрэглээний халуун, хэрэглээний халуун ус халаасан дулааныг халаалтын болон халаалтын бус улирал гэж 2 ангилжээ. Халаалтын улирал буюу 9 сарын 15 -аас 5-р сарын 15-ыг хүртэл, халаалтын бус улирал 5-р сарын 15-аас 9 сарын 15-г хүртэл хугацааг хэлж байгаа юм байна. Халаалтын бус улиралд нэг хүнээс 2218 төгрөг, халаалтын улиралд 1478 төгрөг авах гэнэ.

Орон сууцны айл өрхүүд сууцны талбайн хэмжээнээс хамаарч 40 мкв талбайтай айлаас 1мкв-г 3000 төгрөг, 41-80мкв бол 5000 төгрөг, 81-ээс дээш мкв бол 10 мянган төгрөгөөр тооцохоор болжээ. Энэхүү дулааны үнэ тарифийн өөрчлөлт 2-р сарын 1-ээс эхлэн мөрдөгдөж эхлэх юм байна. Ингэж өөрчлөгдөх болсон шалтгааныг эрчим хүчний үйлдвэрлэгч байгууллагуудын хүнд байдалтай холбон тайлбарлалаа. Эрчим хүчний хэрэглээ жилээс жилд нэмэгдэж байгаа. Харин эх үүсвэрийн дутагдалтай, голлон нүүрсний эрчим хүчээр цахилгаан дулаанаа хангадагтай холбогдуулан ард иргэдийг үнэн бодит үнийн тарифтай болгох зорилготой гэдгийг хэлж байна. Үндсэндээ дулааны үнэ 13, цахилгааны үнэ 9,8 хувиар нэмэгдсэн байна.