Авлигатай тэмцэх газар өнгөрсөн өдрүүдэд шинээр гэмт хэргийн шинжтэй гурван гомдол, мэдээлэл хүлээн авч, нийт 21 гомдол, мэдээллийг шалгаснаас таван гомдол, мэдээллийг эрүүгийн хэрэг үүсгэхээс татгалзах саналтайгаар прокурорт шилжүүлсэн байна. Одоогоор 16 гомдол, мэдээллийг шалгаж байна.
Тухайн долоон хоногт эрүүгийн дөрвөн хэрэг хүлээн авч, нийт эрүүгийн 49 хэрэгт мөрдөн байцаалтын ажиллагаа явуулснаас эрүүгийн хоёр хэргийг яллах дүгнэлт үйлдүүлэх, эрүүгийн нэг хэргийг хэрэгсэхгүй болгожээ.
Түүнчлэн эрүүгийн нэг хэргийг харьяаллын дагуу шилжүүлэх саналтайгаар прокурорт шилжүүлж, одоогийн байдлаар эрүүгийн 45 хэрэгт мөрдөн байцаалтын ажиллагаа явуулж байна.
