"Гала" хамтлагт дуулж олны танил болсон дуучин Ану сүүлийн жилүүдэд уран бүтээл гэхээсээ илүүтэй өөрийн хувийн амьдралаар "од" болох болсон нэгэн. Түүнийг гоо сайхны хагалгаа хийлгэсэн, арьсаа татуулсан, хүүхдээ тээгч эхээр төрүүлсэн гэх мэт үнэн худал нь мэдэгдэхгүй олон мэдээлэл тарж, тэр чинээгээрээ түүнийг сонирхох хүмүүс олширсон. Ийнхүү олны анхаарлыг татах болсон тэрбээр тураах бүтээгдэхүүн сурталчилж, өөрөө хэрэглэж сайхан бие галбираа хадгалдаг тухайгаа охид бүсгүйчүүдэд зөвлөж, ашиг орлого ч ихтэй байгаа бололтой. Ану дахин шинэ зүйл санал болгож эхэлсэн нь тархины фитнесс гэнэ. Тэрээр Оросын нэрт тархины фитнессийн багш Монголд сургалт явуулах гэж буй талаар өөрийн фейсбүүк хуудсаар дамжуулан мэдээлсэн нь олны анхаарлыг татаад байна.