Гэрийн эзэн рүү  дайрсан чоныг эхнэр нь гурилын элдүүр, сүхээр цохиж намнажээ

Баян-Өлгий аймгийн Ногооннуур сумын Улаан хад багийн малчин И.Серикийн хотонд энэ сарын 22-ны өдөр чоно оржээ.

Гэрийн эзэн нохой хуцах чимээгээр гадаа гарахад малын хашааны өмнө ирсэн чоно өөр рүү нь дайрсан байна. Тухайн үед гартаа ямар ч багаж, зэвсэггүй байсан И.Серик чоныг гараараа тогтоон барьж, гэртээ байгаа эхнэрээсээ тусламж хүсжээ. Эхнэр нь чоныг гурилын элдүүр болон сүхээр цохиж алсан байна. Чоно намнасан малчин гэр бүлд ямар нэгэн хохирол учраагүй гэнэ. 

Эх сурвалж:Montsame.mn