Ерөнхий сайд асан С.Баяр 2008, 2016-оны сонгуулиар бэлэн мөнгө амласан буруугаа хүлээжээ.
"Буруугаа хүлээе! 2008 сонгуулиар бид мөнгө амласан. Ардчилсан нам 1 сая гэхэд нь 1.5 болгож өсгөсөн. Олсон хэдээ хүүхэд, хөгшин, оюутан гээд ийш тийш тараасан. Авсан нь мартаж, өгсөн нь буруутдаг хорвоо. Сонгуулийн дүн ч шал эсрэгээр гардаг. 2012, 2016 энэ киноны 2, 3-р анги гарсан. Одоо 4-р анги?" хэмээн жиргэсэн байна.
S.Bayar@SBayar12
Буруугаа хүлээе! 2008 сонгуулиар бид мөнгө амласан. АН 1 сая гэхэд нь 1,5 болгож өсгөсөн.Олсон хэдээ хүүхэд,хөгшин,оюутан гээд ийш тийш тараасан.Авсан нь мартаж,өгсөн нь буруутдаг хорвоо.Сонгуулийн дүн ч шал эсрэгээр гардаг.2012,2016 энэ киноны 2,3-р анги гарсан.Одоо 4-р анги ?
Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төслийн эцсийн хэлэлцүүлгийг өнөөдөр УИХ-ын нэгдсэн чуулганаар хийнэ. Ахмадуудын тэтгэвэр барьцаалсан зээлийг сонгуулийн өмнө тэглэхдээ Салхитын мөнгөний ордыг эргэлтэд оруулж буюу баялгаа хүртээх замаар тэглэх ҮАБЗ-ийн зөвлөмж нийгэмд маргаан дагуулаад буй.
Энэ талаар зарим улстөрч анх С.Баярын Засгийн газар сонгууль угтаж иргэддээ бэлэн мөнгө тараах амлалт өгсөн хэмээн шүүмжилсэн юм. "Халамжийн тогтолцоог өөд татахын оронд хавтгайд нь тараасан нь буруу болсон. Тэрнээс хүүхэд, хөгшчүүлийн тэтгэмжийг нэмэх санаа, үйлдэл "бараан дурсамж" арай биш байх. Тэр үед эдийн засаг тэлж, иргэдийн амьжиргаа арай сайжирсан. Алдааг байн байн давтахгүй байх нь чухал тул энэ тухай ярих хэрэгтэй" хэмээн С.Баяр жиргээндээ тайлбарласан байна.
