УИХ-ын гишүүн Х.Баттулга, Д.Зоригт нар оффшор бүсэд хөрөнгөө нуужээ

                          УИХ-ын гишүүн Х.Баттулга, Д.Зоригт нар оффшорт хөрөнгөө нуужээ
 
Панамын Моссак Фонсека хуулийн фирмээр дамжуулан оффшор дансанд их хэмжээний хөрөнгө нуусан хүмүүсийн дотор Монголын 49 иргэн байсан. Тэдгээр хүмүүс дунд Ерөнхий сайдын зөвлөх Д.Батбаяр, Хотын дарга Э.Бат-Үүлийн хүү Э.Чулуудай, "Петровис" компанийн захирал Ж.Оюунгэрэл гэх мэт олны танил эрхмүүд байсан юм.
 
Тэгвэл өчигдөр Бермудын аралын оффшор бүсэд хөрөнгөө хадгалсан хүмүүсийн мэдээлэл олон нийтэд ил боллоо. Энд Монголын хэд, хэдэн улс төрчдийн нэрс байна. Тодруулбал, УИХ-ын гишүүн Х.Баттулга, Эрчим хүчний сайд Д.Зоригт гэх хүмүүс Бермудын аралын оффшор бүсэд хөрөнгөө нууж байсан байна.
 
Эрчим хүчний сайд Д.Зоригт Бермудын арлын оффшор дансандаа 30 сая, УИХ-ын гишүүн Х.Баттулга 250 сая ам.доллар байршуулсан нь баримтаал ил боллоо.  Түүнчлэн "Ажнай"-н Д.Бат-Эрдэнэ ч энэ жагсаалтад орж ирсэн талаар эх сурвалжууд мэдээлж байна. 

Дашрамд дурдахад, АН-ын дарга З.Энхболд оффшортой нэр нь холбогдсон намын гишүүдийгээ УИХ-ын сонгуульд нэр дэвшүүлэхгүй гэдгээ мэдэгдсэн билээ.